الجمعة، 19 مارس 2010

خلينا نحسبها..

موضوع جدا رائع وقوي قرأته اليوم واحببت ان اضعه لكم..
اصبحنا نعيش في زمن نادر مايمكن الشخث ان يمر عليه يوما دون مشاكل او دون ان يحدث ما قد يغضبه..
وكوننا بشر نحس ونتفاعل فلابد ان تكون لنا ردود افعال مختلفة لكافة الاحساسيس التي قد نشعر بها..
واصبحنا نعيش في زمن ايضا لابد ام تحدث لك امورا تصيبك بالغضب خلال يومك..
فماذا نفعل مع هذا الغضب..وكيف نتعامل معه..

كما قد قال رسولنال الكريم" ليس الشديد بالصرعة انما الشديد من ملك نفسه عند الغضب"
اذا دعونا نفهم كيف نتعامل مع الغضب ..ففي ذلك قد نبتعد عن مشاكل نحن في غنى عنها ..او لاتجدي نفعا ولاياتي من ورائها الا خسائر والندم..
دعونا نطور انفسنا نتعلم كيف نتعامل مع مشاعرنا بطريقة لاتجرحنا ولاتحرج من حولنا ..حتى ننعم براحة مع انفسنا ومع من حولنا
بعيدا عن المشاكل والغضب وخلافه..
فماذا نفعل مع هذا الغضب..وكيف نتعامل معه..
تعرفه من خلال هذه الدورة القوية ..

دورة في التعامل مع الغضب
من خلال هذه الروابط يكتبها لكم الكاتب الذي قرأت له بعض الكتب وله اسلوب مميز وجميل في الطرح ..الكاتب د.نبيل فاروق

http://www.boswtol.com/politics/prespectives/10/january/6/6091
http://www.boswtol.com/politics/prespectives/10/january/13/6507
http://www.boswtol.com/politics/prespectives/10/january/20/6854
http://www.boswtol.com/politics/prespectives/10/january/27/7219


وهبنا الله واياكم الحكمة التي تجعلنا نحسن التصرف في جميع المواقف
دمتم بود..
سالم

3 التعليقات:

طموحة مملوحة يقول...

وووااااو هالموضوع وايد اعاني منه تخيل الحين صار لي 4 شهور اتابع دكتور نفسي والموضوع الاهم عنده اني اتحكم بغضبي الحين قدرت شوي اكون ماسكة نفسي بس تخيل لمن امسك مفسي بموضوع موضوعين 3 ليييييييين تيي اللحظة الي انفجر فيها وكل الي داخلي ي6لع واكسر اي شي يمي او اني أأذي نفسي ...
يالهوي والله لمن اعصب من اول مرة اهون من لمن اخش بقلبي علشان جذي قاعدة اتبع شي ثاني مع دكتوري العزيز وان شاء الله تنفع هالامور لوووول باجر وراي زواج يهال مابي اعيشهم بحياة كلها كوارث لووول

transs help يقول...

هلا اختي طموحة حياج الله
تورتي البلوق :)

وانا مثلح اعاني احيانا من هالموضوع وقد افنجر كاي انسان احيانا ووايد ناس مثلنا..ومثل ماشفتي بالجزء الاول من هالموضوع يقولج الحين وبهالوقت وين ماتمشين تشوفين الغضب حواليج وغالبا اشياء ومواقف قد تستدعي الغضب..
طبعا من وجهة نظري 99 بالمية من الاشياء الي تغضبنا لانه صار لا في اخلاق ولا في دين باغلب الناس وتشوفينهم بشغلهم وبمعاملاتهم مايستندون ابد على هالشغلتين.. هذا من رايي الشخصي ..

وعلى العموم زين سويتي بخصوص الدكتور شي حلو انه الواحد يقعد مع انسان ويفضفض له وياخذ رايه و قد يكون هالشخص عنده الخبرة الكافية لمساعدتنا ..
واحسن شي نفجر غضبنا وطاقتنا بشي يبعدنا احنا وغيرنا عن المشاكل ويريحنا بنفس الوقت..
ولاتنسين الاستعاذة من الشيطان الرجيم وفيه شوية سور قرأنية يقولون تبعد الغضب بالاضافة الى الوضوء هم يطفي الغضب يقولون ..

وانا والله مثلج قاعد احاول كثر ماقدر اطبق هالشغلات واحاول دايما افكر انه الدنيا بالنهاية ماتسوى الواحد يتضايق عشانها لانها فانية..
صج صعب بس الموضوع موضوع تعود وانه شلون الواحد يفهم نفسه ويتعلم شلون يتحكم بنفسه وبانفعالاته وردود افعاله ويفكر شنو الي يسوا يعصب عشانه وشنو الي لا..خصوصا انه كل شي يتعوض..وانه الغضب ياثر وايد على صحة الانسان..واهم شي في الدنيا الصحة..
بالتالي شنو الي بيسوى نعصب عشانه ونتعب صحتنا عشانه!!ولاشيي..

لانه لما الواحد يعصب ويعصببب جان زين يرتااااح الا يزيد هني المشكلة..وهني الي الواحد يوقف ويقول لاااا لازم حل لهالغضب..
وانشالله نقدر نبعد عن الغضب اذا طبقنا القواعد والاساليب الي قد تبعدنا عنه وعرف كل واحدشلون يتعامل مع نفسه ويفهمها ومايحملها فوق طاقتها من غضب وحزن وغيره


الدنيا حلوه وفيها مشاعر وايد حلوة حياتنا بتصير افضل لو عشناها ..مثل مشاعر الفرح والامل وتذوق حلاوة الايمان التطوع وغيره من امور وايد في الحياة قد تمدنا بمشاعر ايجابية ليس لها نهاية يجب ان تختبرها ونعيش فيها دوما لنفرح ونهنأ وتهدأ انفسنا ونعيش باطمئنان ..

اعتذر ان اطلت عليج ..
بس حبيت افيدج بالي اعرفه عن هالموضوع واتمنى اني فدتج..


مرورج يشرفني..

Tsh*_^TOoshAa يقول...

مرحبا سالم ،،

انا قبل كنت اطنش و لا اهتم في اي شي نهائيا.
بعدها قمت اسمع الشي واصفه بالرف عندي فلاحظت انه هالشي يتعبني ، فغيرت المسار الى اني لما اسمع الشي اهاجمه بقوه وهم تعبت من هالسالفه ، فقلت راح اطوف مره ومرتين والثالثه يكون اللي جدامي قرر اني اقضي عليه واطلعله اخر 3 عمليات (( ههههههههههههههههههههه )) ، بس سبحان الله هذي الشغلات كلها تستهلك من الانسان طاقه اهو بحاجه لها لمواضيع اهم من جذي بوايد بس بعد شسوي الواحد اذا سكت بهالزمن تكرمون داسوا عليه فلازم تاخذ حقك عشان اللي جدامك يعرف حدوده عدل.


مع حبي
عاشقة الوردي

إرسال تعليق