الثلاثاء، 19 يناير 2010

وما ادراك ما فيتامين الواو :)

هل تتخيل ان تسمع في يوم جملة ..
لو سمحت واحد بطاط بيديان مع سلطة وطحينه يالله خلصني بسرعه عندي واسطه !! :)
هل تتخيل ان تسمع في يوم هذة الجملة ..

اليوم ثبت ليي بالحرف الواحد انه الكويت ليست فقط ديرة واسطة فقط..بل دولة واسطة في مكان وزمان..
حتى في مطاعم الشورما !!
وحدث اما ناظري..

خرجت في الصباح وانا على عجلة من امري ولم تكن لي شهية ايضا لأكل فخرجت دون ذلك ..
كنت اليوم في طريقي لانجاز بعض الامور ..انتهيت منها..خرجت
رايت مطعما من المطاعم الصغيرة دخلت طلبت لي "حلوم" ووقفت بالانتظار ..كما بقية خلق الله..
وفجاة دخل البطل المغوار..رجل يلبس لباس معين يدل على انه يعمل في الداخلية فقال طلبه ..وقال طحينه خفيف ..ههههه
استلم طلبه في اقل من دقيقة ومشى..
فلم اعرف ماذا اقول لرؤيتي بهذا المشهد الروعه ههههههه
فابتسمت للموظف وقلت له : حتى في محل البطاط بيديان والحلوم واسطه !!
فقال ليي : كل شيي بالكويت واسطه لازم ..هههههههههههههههه
فقلت له : طبعا ..صحيح كلامك..كل شي بالكويت واسطه..حتى وانت تصف دور عشان تاخذ لك صمونه تتريق فيها :)
(صمونة = Sandwich) ..
صراحة مادري شنو اقول على هالموقف..!!


وكم جميل لو طبقنا مانراه في الدول الغربية من تطور ونظام وقانون يمشيي على الجميع بغض النظر عن فلان وعلان..
فعندهم لا يوجد ما يسمة بقانون الواسطه وفيتامين واو وخلافه ..
اما الواسطات وغيره فترجعنا الى الوراء ولاتجعلنا نتقدم الى الامام ...فبالواسطات نجد انه تحصل امور لايجب ان تحدث ..
لا انكر انه نظام الواسطات قد يكون موجود في جميع دول العالم..
الغربية منها والعربية..ولكن في دولنا العربية كما نرى لدينا هذا المفهوم منتشر اكثر..مفهوم الواسطه ..

جميل ان يعامل البشر حسب امكانياتهم وقدراتهم ووفق نظام معين بكل عدل ..جميل ان يعامل الناس جميعا سواسية ..

وشكليي انا بعد مابدخل احد بلوقي الي بواسطه مني ورايح :)
لاااا حياكم الله دوم مجرد مزحة ..
..والحمدالله انه الهواء ببلاش ولا جان صار اهو بعد بالواسطه ولا شرايكم ..
:)

دمتم بود ،،

7 التعليقات:

ع’ـبرآتہ أإُنثـہے ๏ يقول...

لاحول الله

ههههههههههههههههههههه

لايكون بعدين لازم واسطه عشان ندخل مدونتك !!

ههههههههه

Tsh*_^TOoshAa يقول...

مرحبا سلوم ،،

الموضوع يعور القلب ، وشي يكدر الخاطر انه حتى بمطاعم البطاط والبديان عشان تستلم طلبك لازم يكون عندك واسطه .

انا اقول اذا بهالمطاعم جذي حال الديره ، فالله يعين على اللي قاعد يصير بالوزارات وما فوقها .


انا اقووول
عــلــى الــدنــيــا الــســلام .


مـع تـحـيـاتـي
عـاشـقـة الـوردي

ترانســـجندر وأفتخــــــر ،، يقول...

هلالا والله تشتوشه
حياج اللح :)
ايي والله صدقتي..وما ادراك ما اجراءات الوزارات ..او حتى باي مكان الواحد بينجز اي معاملة مهما كانت صغيرة..ماعندك واسطه ومعارف وخلافه بالمكان يعني احتمال كبير تضييييع..وتتاخر وتتعطل امورك ..
طبعا هالحجي على البعض ما عمم..
اما الي يمشون الامور بدون اي واسطه وقايمين بشغلهم على اكمل وجه فيعطيهم العافيه وهذول فعلا الي المفروض يكونون مثال وقدوة للكل..
ولكن..هذول ما قل وندر..


شاكر لج مرورج ،،
وبالقلب قصة على مثل هالمواضيع عارف..
الله يصلح الجميع يارب

ترانســـجندر وأفتخــــــر ،، يقول...

هلاوالله تشتوشه
حياج الله :)
ايي والله صدقتي..وما ادراك ما اجراءات الوزارات ..او حتى باي مكان الواحد بينجز اي معاملة مهما كانت صغيرة..ماعندك واسطه ومعارف وخلافه بالمكان يعني احتمال كبير تضييييع..وتتاخر وتتعطل امورك ..
طبعا هالحجي على البعض ما عمم..
اما الي يمشون الامور بدون اي واسطه وقايمين بشغلهم على اكمل وجه فيعطيهم العافيه وهذول فعلا الي المفروض يكونون مثال وقدوة للكل..
ولكن..هذول ما قل وندر..


شاكر لج مرورج ،،
وبالقلب قصة على مثل هالمواضيع عارف..
الله يصلح الجميع يارب

ترانســـجندر وأفتخــــــر ،، يقول...

هلا والله اختي عبرات انثى

اييي مدونتي خلاص بخليها يابواااااطه وواسطه قوية بعد.. او برسوم ماليه وقدرها.....
هههههه لاشدعوه قلت لكم اتغشمر :)

المدونة اولا واخيرا لكم وبكم تكون
سعيد بمرورج..

Amla7 MajnoonaH يقول...

خخخخخخ
عاد انا اووول مرة ادشها..
والحمداللة ماواجهت اي مشاكل..
مع ان عندي واسطة هع!!
تقبل مرووووري

ترانســـجندر وأفتخــــــر ،، يقول...

الاخت Amla7 MajnoonaH
حياج الله واكيد اتقبل مرورج ومرورج يشرفني..
ومافي شي مضمون ماتدرينر مع الايام شصير ..ديرة واسطات هههههه


شرفني مرورج مرة اخرى ،،

إرسال تعليق